ШұғылҚазақстанда өткен тәулікте 1062 адам коронавирус инфекциясын жұқтырды

Бас санитар: Нұр-Сұлтандағы күшейтілген карантин режимі оң нәтижесін берді

Қазақстанға коронавирусты жедел анықтайтын 96 мың экспресс-тест жеткізілді

Суретте: Қазақстанның бас санитар дәрігері Айжан Есмағамбетова

Бұл туралы еліміздің Бас санитар дәрігері Айжан Есмағамбетова мәлім етті. Оның айтуынша, Нұр-Сұлтан мен Алматы қалаларында енгізілген карантин шаралары оң нәтиже берген.

«Нұр-Сұлтан мен Алматы қалаларында енгізілген карантин шаралары оң нәтиже берді. Мәселен, Нұр-Сұлтанда 28 наурыздан бастап індет жұқтырғандардың саны азайып келеді. Сол күннен бастап 5 сәуірге дейінгі жұқтыру деңгейі 60 пайызға дейін азайды. Ал Алматыда коронавирус жұқтырғандардың саны күніне орта есеппен, 6-15 адам аралығында», - деді ол.

Алайда, кей өңірлерде COVID-19 жұқтырғандардың өсімі байқалады.

«Қызылорда, Қарағанды, Түркістан, Атырау облыстарында коронавирус жұқтыру өсімі жоғары. Яғни, ол өңірлерде қосымша шектеу шараларын енгізу керек», - деді бас санитар дәрігер.

Сондай-ақ Айжан Есмағамбетова коронавирусты жедел анықтайтын 96 мың экспресс-тест жеткізілгенін хабарлады.

«Енді ел бойынша тәулігіне 500-ден 1 мыңға дейінгі адам экспресс-тестен өтеді. Жедел тест Нұр-Сұлтан мен Алматы қалаларында жасалынады. Менің қаулыммен жедел тестен өтетіндердің тізімі белгілі болды. Олар ЖРВИ белгілері бар, бірақ ауруханаға жатқызылмаған жедел жәрдем қызметкерлері, COVID-19 жұқтырған науқастармен байланыста болған адамдар, автобекеттер мен теміржол арқылы өткендер мен төтенше жағдай кезінде жұмыс істеген мемлекеттік қызметкерлер. Десек те, коронавирусты анықтаудың негізгі жолы - бұл ПЦР (полимеразалық тізбекті реакция - авт.) диагностикасы», - деді ол.

Естеріңзге салсақ, бүгін Мемлекет басшысы Қасым-Жомарт Тоқаев коронавирус анықтайтын тест жүйесін қысқа мерзімде жасап шыққан отандық ғалымдарды құттықтады.

Әсел Тұмашқызы, Нұр-Сұлтан

Сұхбат
1 шілдеде Қазақстанда Тұрғын үй құрылыс жинақ банкінің «Жас отбасы» жаңа бағдарламасы іске қосылды
Филология ғылымдарының кандидаты Ербол Тілешовпен латын әліпбиіне қатысты сұхбат
Имамның айтуынша, құрбандыққа шалынған мал етін алуға өтініш бергендер саны басымырақ