Өскеменде 9 компания үйлерді рұқсатсыз салған

Өскемендегі коммерциялық құрылыс салушылар миллиондаған айыппұл төлейді. Бұзушылықтарды мемлекеттік сәулет-құрылыс бақылауының сарапшылары анықтады, деп хабарлайды Azattyq Ruhy «Хабар 24»-ке сілтеме жасап.

Тоғыз компания авторлық және техникалық қадағалаусыз көпқабатты үйлер тұрғызған. Жалпы, келтірілген фактілерде құрылыс жұмыстары жобаға сәйкес келмейтіні көрсетілген. Типтік бес қабатты үйдің орнына тоғыз қабатты үйлер салынған. Қазір құрылыстар жобалық бұзушылықтар жойылғанға дейін тоқтатылды. Үлескерлердің мәселесі бақылауға алынды. Олардан тұрғын үй алаңы үшін 600 миллион теңге алдын ала төлем заңсыз алынған. Бұл ретте үлестік құрылысқа қатысу үшін тек 3 фирманың рұқсаттары мен қаржылық мүмкіндіктері болды. Қосымша келісімдер арқылы пәтерлерді алдын ала брондау шарттары бұзылды. Алайда, заңсыз үлескердің бір 80 пәтерлі үйін басқа компания аяқтады.

«Бізде сот талқылаулары жүргізілуде, мердігерлердің қолында мемлекеттік сараптамадан өткен жобалары бар, бірақ іс жүзінде олар тиісті құжаттарды рәсімдегенге дейін құрылысты бастауға құқылы емес еді. Тиісті құжаттардың болмауына байланысты тұрғын үй құрылысын тоқтата тұру туралы сот шешімі бар», - деді «ШҚО мемлекеттік сәулет-құрылыс бақылау басқармасы» ММ басшысы Инна Вал.