«Қазақфильм» ұлттық киностудия болып қайта құрылмақ

ҚР Мәдениет және ақпарат министрлігі «Қазақстан Республикасы Үкіметінің кейбір шешімдеріне өзгерістер енгізу туралы» қаулы әзірледі, деп хабарлайды Azattyq Ruhy.

Нақтырақ айтсақ, Шәкен Айманов атындағы «Қазақфильм» АҚ Шәкен Айманов атындағы «Қазақфильм» Ұлттық киностудиясы» АҚ болып қайта құрылады.

Шәкен Айманов атындағы «Қазақфильм» Ұлттық киностудия» акционерлік қоғамы Мемлекеттiк фильмдер қоры киноколлекциясының сақталып қалуын қамтамасыз етуге, сақтауға, көшірмесін түсіруге, көбейтіп таратуға, прокаттауға жəне көрсетуге бағытталған іс-шараларды іске асыратын заңды тұлға болып айқындалады.

Аталған өзгеріс фильмдердің сапасын арттыру, сондай-ақ шетелдік кинокомпанияларды субсидиялаудың мемлекеттік операторы функцияларын іске асыру арқылы шетелдік инвестициялар тарту мақсатында енгізіліп отыр.

Құжат Ашық НҚА порталында жарияланды. 15 қарашаға дейін қоғам талқылауында болады.