ШұғылҚазақстанда тағы 517 адамнан коронавирус анықталды

Павлодарда 1 сәуірден бастап автобустардың қозғалыс уақыты өзгереді

 Қалада бүгіннен бастап қауіпсіздік шаралары енгізілуде

Павлодар облысының бас мемлекеттік санитарлық дәрігері орынбасарының шешіміне сәйкес 2020 жылдың 1 сәуірінен бастап қосымша қауіпсіздік шаралары енгізілуде, деп хабарлайды Azattyq Rýhy pavlodarnews.kz сайтына сілтеме жасап.

«Басты мақсат – облыс аумағында коронавирустық инфекцияның таралуына жол бермеу. Аймақ тұрғындарының қауіпсіздігін қамтамасыз етуге бағытталған белгіленген шаралар аяқталғанға дейін азаматтардың қоғамдық орындарда, соның ішінде қоғамдық көліктермен жүруі уақытша шектеледі», - дейді қала әкімінің баспасөз қызметінде.

Жолаушылар ағынының төмендеуін ескере отырып, қалалық автобус маршруттарының қозғалысы сағат 06:30-дан 20:00-ге дейін шектелетін болады.

Сағат 20.00-ден бастап күн сайын маршруттың соңғы аялдамасынан қарсы бағытта тиісті маршруттың кезекші автобусы соңғы рейсті жүзеге асырады.  
 

Сұхбат