Президент футболдан Қазақстан құрамасын жеңісімен құттықтады
Сондай-ақ Мемлекет басшысы матчтағы жалғыз гол авторы Максим Самородовқа ризашылығын білдірді
Мемлекет басшысы Қасым-Жомарт Тоқаев футболдан Қазақстан ұлттық құрамасын Еуро-2024 чемпионатының іріктеу кезеңінде Солтүстік Ирландия командасымен өткен матчтағы жарқын жеңісімен құттықтады, деп хабарлайды Azattyq Ruhy.
«Жеңіс құтты болсын! Бүгін жақсы ойын болды. Шеберлік көрсеттіңіздер. Жұрт, бәрі риза», - деді Қ.Тоқаев.
Өз кезегінде футболдан Қазақстан ұлттық құрамасының капитаны Асхат Тағыберген көрсеткен қолдауы үшін Президентке алғыс айтып, команда атынан доп сыйлады.
Сондай-ақ Мемлекет басшысы матчтағы жалғыз гол авторы Максим Самородовқа ризашылығын білдірді.
«Жақсы гол соқтың. Маған ұнады», - деді Қ.Тоқаев футболшының қолын алып жатып.
Көп оқылған
07.05.2026, 08:01
Президент қазақстандықтарды Отан қорғаушы күнімен құттықтады
07.05.2026, 10:32
Шымкентте 70 жастағы қария көршілеріне пышақпен шабуыл жасаған
07.05.2026, 11:07
Астанада 18 жастағы студенттің өліміне қатысты сот басталды
07.05.2026, 12:55
Оралдағы автосалонда жүк көтергіш үзіліп, төрт адам зардап шекті
07.05.2026, 07:23
7 мамырда Қазақстанның басым бөлігінде дауылды ескерту жарияланды
