«Астана Аренада» өтетін футбол матчына орай елордада қоғамдық көліктің жұмысы күшейтіледі

Бүгін Елордадағы «Астана Арена» стадионында футболдан EURO-2024 іріктеу кезеңі аясында Қазақстан мен Финляндия құрамасы арасында матч өтеді, деп хабарлайды Azattyq Ruhy.  

Ойын сағат 20:00-де басталады. Белгілі болғандай, жарыс билеттері толығымен сатылып кеткен. Демек, стадион маңында бүгін үлкен кептеліс болмақ.

Осыған орай қала әкімдігі «Астана Арена» стадионына жылдам бару үшін қоғамдық көліктің жұмысы күшейтетінін мәлімдеді.

«Матч аяқталған соң футбол көрермендерінің ыңғайлылығы үшін қосымша №№10, 12, 21, 26, 28, 37, 40, 49, 51, 53, 60 қалалық және № 303 қала маңы бағдарлары ұйымдастырылады. Автобустар жанкүйерлерді матчтан кейін Қабанбай батыр даңғылындағы аялдамада күтеді. Жол жүру құны 90 теңге. Жолақысын көлік картасымен немесе QR-код сканерлеу арқылы төлеуге болады. Жеңілдігі бар көлік карталары жарамды», - делінген хабарламада.