«Ауыр жұмыс, аз айлық»: Еліміздегі түрме қызметкерлері төмен жалақымен жарымай жүр

Түрме қызметкерлерінің жалақысы мардымсыз. Қылмыстық атқару жүйесі департаментіне қарасты мекемелерде мыңдаған қызметкерелер бар. Олар қауіпті қылмыскерлер мен өзгеде жазасын өтеп жатқан адамдардың тәртібіне тікелей жауапты. Осы салада ұзақ жыл қызымет атқарып келе жатқан басшылардың сөзінше, қарапайым мамандардың айлығы жұмыстың жауапкершілігімен сәйкеспейді, деп хабарлайды Azattyq Ruhy.

Тек Алматы қаласы, Жетісу және Алматы облыстарында 6 түзету мекемесі бар. Ол жерлерде мыңнан астам адам жұмыс істейді. 

«Бұл аумақта 6 мекеме бар. Оның біреуі тергеу изоляторы, бесеуі түзеу мекемесі. Тағы біреуі әйелдер колониясы. Түзету мекемесінің төртеуі Алматы облысының Заречный ауылында орналасқан. Бүгінгі күнде бізде 645 аттестатталған павильондағы қызметкерлер бар. Атап айтқанда, осы әкімшілік, оның ішінде қатардағы және кіші басшы құрам. 645 погондағы қызметкер және ерікті жалдамалы құрам. Бұлардың бәрін қосатын болсақ 1020 адам осы салада жұмыс істейді», - деді Алматы және Жетісу облыстары бойынша ҚАЖД бастығының орынбасары, әділет подполковнигі Жәнібек Қосжанов.

 Елімізде сексенге жуық тергеу және түзету мекемелері бар. Подполковниктің сөзінше, департамент басшыларының айлығы 600 мың теңгеге дейін барады. Ал түрмені күзетіп, тексеру, өткізу бекеттерінде тұратын қызметкерлерге мардымсыз жалақы төленеді. Қатардағы қызметкерлердің қолға алатын жалақысы 110 мың теңгенің айналысында. ҚАЖД кезекшілікке шығатын қызметкрелері тәулігіне 12 сағат жұмыс істейді.   

«Өмірде тәртіпті және жұмысқа адалдық тікелей айлыққа да байланысты.  Енді айлық өмірге, әлеуметтік жағдайға қатысты көтеру керек. Аға басшылық құрамның жалақысы көтеріліп жатыр. Бірақ орта және қатардағы қызметкерлердің айлығын да көтеру керек. Еңбекақылары төмен. Сондықтан енді олардың айлығын көтеру керек деп ойлаймын. Өйткені олардың да біз сияқты үштен, төрттен балалары бар асырап отырған. Несиелерін төлеу, пәтерақы, отбасын асырау дегендей. Бәрінің баласы бар. Сондықтан олардың да құқығын сақтау міндетті түрде деп ойлаймын. Айлықтары жүз мыңнан асады. Кейбірінде 120 мыңға дейін жетіп қалады», - деді Әділет подполковнигі.