Жетісу облысында нөсер жаңбырдан бірнеше елді мекен су астында қалды
Зардап шеккен аймақтың тұрғындары эвакуацияланған
Ескелді ауданында бірнеше елді мекенді су басып, адамдар жартылай эвакуацияланды, деп хабарлайды Azattyq Ruhy облыстың төтенше жағдайлар жөніндегі департаментіне сілтеме жасап.
«Оқиға орнында Жетісу облысы Төтенше жағдайлар департаментінің күштері мен құралдары қатарындағы арнайы жабдық және техникамен, оның ішінде суда жүзу құралдарымен жаюдықталған 22 құтқарушы жұмыс істеп жатыр. Қазіргі уақытта оқиға орнында инженерлік жұмыстар, адамдарды жартылай эвакуациялау және суды сору жүргізілуде», деді ТЖД-дағылар.
Ескелді ауданының Ешкіөлмес ауылында толассыз жауған жаңбырдың салдарынан беткейлерден су ағып, бұл елді мекеннің төрт көшесінің ауласын су басуға себеп болды.
Қарабұлақ ауылында 30 тұрғын эвакуацияланды, су басқан үйлердің саны мен аумақтар анықталып жатыр.
«Құтқарушылар жан-жақты көмек көрсетіп, азаматтарды су басқан аулалардан алып шығуда», деп хабарлады ТЖД-дағылар.
Сол өңірдің тағы екі ауылында – Абай және Мәмбетте сәйкесінше 20 және 5 ауланы су басқан. Елді мекендер тау етегіне жақын орналасқан.
