Шымкентте гүл ұрлаған азаматтың прокуратура органдарына қатысы жоқ - Бас прокуратура

Әлеуметтік желілерде прокурордың ұлы достарымен бірге Шымкент қаласындағы гүл дүкеніне шабуыл жасағаны туралы ақпарат тарады, деп хабарлады Azattyq Ruhy.

Шымкентте гүл дүкенінен гүл ұрлаған ер адамның видеосы желіде тарады. Дүкен иесінің айтуынша, құқық бұзған ер адам жергілікті прокурордың ұлы. Себебі ол полицияға арыздану үшін жүгінгенде, ондағылар бұл іске аспайтынын, себебі ол прокурордың ұлы екенін айтқан. Анықталғандай, ер адам осыған дейін де бұл дүкеннен гүл шоқтарын ұрлап алып кеткен.

«Бұл ақпарат шындыққа сәйкес келмейді. 2023 жылғы 9 тамызда Шымкент қаласының прокуратурасы бұл тұлғаның прокуратура органдарына қандай да бір қатысы жоқ екенін, прокуратура қызметкерлерімен туыстық байланыста жоқ екендігін ресми түрде хабарлады», - деп хабарлады Бас прокуратура.