Кішкентай қыздың аузы мен қолын байлап, қараусыз ғимаратқа апарған әйел ұсталды

Қыздың аузы мен қолын байлап, Алматы облысы Қарғалы ауылының қараусыз қалған ғимараттың аумағына апарған әйел ұсталды. Осы әрекеттен кейін күдікті баланы босатты, деп хабарлайды Azattyq Rýhy полицияға сілтеме жасап.

Тексеру барысында полиция қызметкерлері 23 жастағы әйелді анықтады. Ол Жамбыл облысының ауылдарының бірінде ұсталып, уақытша ұстау үшін арнайы полиция бөлімшесіне орналастырылды.

«ҚР ҚК 126-бабының 2-бөлігі 5-тармағы (Көрінеу кәмелетке толмаған адамға қатысты; бас бостандығынан заңсыз айыру) бойынша сотқа дейінгі тергеу жүргізіледі», - делінген хабарламада.

Қазіргі уақытта күдіктінің қатысуымен қажетті тергеу әрекеттері жүргізілді.