«Nur Otan» партиясы тұрғындарға медициналық маска мен антисептикалық құралдар тарата бастады

«Nur Otan» және «Jas Otan» волонтерлары мен еріктілерінен құралған ықшам топтар карантин жарияланған Нұр-Сұлтан және Алматы қаласындағы жалғызбасты қарттарға, ерекше қажеттіліктері бар азаматтарға және тұрмысы төмен көпбалалы отбасыларға бірінші кезекте қажетті тауарларды, оның ішінде медициналық маскалар мен антисептикалық құралдарды тарата бастады. Бұл туралы партия Төрағасының бірінші орынбасары Бауыржан Байбек мәлімдеді.

Еске салайық,  «Nur Otan» партиясы коронавирус кезінде карантинге жабылған екі мегаполистегі жағдайы төмен адамдарды қолдауға 150 млн теңге бөлді.