ШұғылЖелтоқсан-қаңтар айларында Қазақстанда карантин күшейтілуі мүмкін

ШҚО-да полиция капитаны жемқорлық қылмысы үшін сотталды

Оған 100 мың теңге пара алғаны үшін 3 млн теңге көлемінде айыппұл төлеу жазасы тағайындалды

фото: Батыржан Беспаев

Шығыс Қазақстан бойынша Полиция департаментінің патрульдік полиция батальонының аға инспекторы, полиция капитаны И.А. Курбаевқа қатысты сот үкімі шығып, айыппұл төлейтін болды. Бұл туралы Сыбайлас жемқорлыққа қарсы іс-қимыл агенттігі хабарлады.

«Ол ҚР «Әкімшілік құқық бұзушылық туралы» кодексінің 596-ші бабының 3-ші бөлігі бойынша («Қарама-қарсы қозғалысқа арналған жолдың жүру жағына шығу») әкімшілік жауапкершілікке тартпау үшін 100 000 теңге сомасында пара алғаны үшін күдікті болды. 2020 жылдың 11 наурызында Өскемен қаласының №2 сотының үкімімен И.А. Курбаевқа 3 млн теңге көлемінде айыппұл төлеу жазасы тағайындалды», - делінген хабарламада.

Сондай-ақ, Курбаев мемлекеттік қызметте лауазым атқару құқығынан өмір бойына айрылды.