Астанадағы өрт қашан толық сөндіріледі - министр жауап берді

Төтенше жағдайлар министрі Сырым Шәріпханов Мәжілістің кулуарында елорда маңындағы өртке қатысты қойылған сұраққа жауап берді, деп хабарлайды Azattyq Ruhy.

«Астанадағы өртті толық сөндіру үшін біраз уақыт керек. Қазір онда 200-ге жуық адам мен техника бар. Олар кезекпен жұмыс істейді. Сондай-ақ 2 тікұшақ жұмыс істеп жатыр. Осы жеткілікті. Өртті толық сөндіруге шамамен 1-2 апта керек болуы мүмкін. Барлығы сыртқы факторға байланысты. Сондай-ақ біздің құрылым мен жауын-шашынға байланысты», - деді министр.

Еске салсақ, Талдыкөл жақтағы сортаң жерде шамамен 80 га алқапта қамыс пен қураған ағаштар жанып жатыр.