Жетісу облысында кәмелетке енді толған екі жігіт есірткімен ұсталды

Олардың бірі есірткі саудасымен айналысқан, екіншісі есірткі заттарының заңсыз айналымына қатысы бар деп негізді түрде күдікке ілінген, деп хабарлайды Azattyq Ruhy.

Олар 18-19 жастағы екі жас жігіт. Күдіктілердің бірі марихуана сату кезінде қолға түсті. Екіншісінен 1 келіден астам наша табылып, тәркіленген.

«Қазір екеуіне де қатысты есірткі заттарын сату, сондай-ақ аса ірі көлемде заңсыз сақтау фактілері бойынша қылмыстық іс қозғалып, УҰИ-ға қамалды», - деді Жетісу облысы ПД Есірткі қылмысына қарсы іс-қимыл басқармасының бастығы Мұрат Жұмабаев.