Алматының бір ауданы жарықсыз қалды

Алматыда Алмалы ауданының тұрғындары кешкі 18.00-деп бастап жарықсыз отыр, деп хабарлайды Azattyq Ruhy.

«Алатау Жарық» компаниясының мәліметінше, бүгін кешкі 18.00-де Алмалы ауданында электр энергиясы өшіп қалды.

Қазіргі уақытта электр жарығы қаланың Шагабутдинов, Жамбыл, Әйтеке би, Құрманғазы, Қазыбек би, Масанчи, Шевченко, Мұратбаев, Амангелді, Әди Шәріпов, Желтоқсан, Мұқанов көшелерінде жоқ.

«Электр энергиясының өшу себебі анықталуда. Электр энергиясынсыз қалған аумақты төмендегі картадан көруге болады», - деп хабарлады «Алатау Жарық» компаниясы.

Сондай-ақ, компания өкілдері 2 сағат ішінде электр энергиясы қосылуы тиіс екенін хабарлады.