Юлия Путинцева Мадридте әлемнің бесінші ракеткасынан жеңіліс тапты

Қазақстандық теннисші, әлемнің 51-ракеткасы Юлия Путинцева Мадрид WTA 1000 турнирінің үшінші айналымына шыға алмады, деп хабарлайды Azattyq Ruhy. Отандасымыз екінші айналымда әлемнің 5-ракеткасы, Ролан Гаррос турнирінің екі дүркін чемпионы, франциялық Каролин Гарсиямен бақ таластырды.

Бірінші партияда франциялық спортшы брейк жасап, өз пайдасына шешті - 6:3.

Екінші сетте Каролин 3:0 есебімен алға кетті. Юлия есепті 3:4-ке дейін қысқартқанымен, одан әріге шамасы жетпеді - 4:6.

Бір сағат 35 минутқа созылған кездесуде К.Гарсия 18 эйс жасап, 9 брейк-пойнттың үшеуін пайдалана білді. Ю.Путинцева 4 эйс, 1 брейктен (8 брейк-пойнт) ойынды тамамдады.