Түркияда зілзаладан баспанасыз қалғандардың шатырын торнадо ұшырып әкетті

Күшті жел адамдар уақытша паналап отырған контейнерлер мен шатырларды көкке көтеріп, ауада шыр айналдырған, деп хабарлайды Azattyq Ruhy.

Табиғаттың тосын мінезі жалпы алғанда 170 шатырды ұшырып әкеткен. Көпқабатты үйлердің де төбесі ортасына түскен. Жойқын дауылдың салдарынан бір адам қаза тауып, 40-тан астамы зардап шегіпті.

Естеріңізге сала кетейік, 6 ақпанда Түркияда екі ірі жер сілкінісі болды. Алғашқы 7,8 баллдық дүмпу Газиантеп қаласының маңында сағат 04:17-де сезілген. 7,5 баллдық екінші жер сілкінісі Кахраманмараш аймағында сағат 13:24-те болған. Айта кетейік, Түркия мен Сириядағы жер сілкінісі құрбандарының саны 44000-нан асты.