Алматы дәріханаларында медициналық бетперде жоқ

Алматыдағы дәріханалардан медициналық маска табу қиын. Тапқан күннің өзінде, бағасы 10-15 есеге дейін шарықтап кеткен. Бұл Қытайда коронавирус ауруы өршіп кеткеннен кейінгі құбылыс. Жетіспеушілік салдарынан, тұрғындар бетпердені дәкеден жасауға көшкен.

Azattyq Rýhy тілшілері Алматыдағы ең ірі деген дәріханаларды аралап көрді. Әдеттегі көк түсті, үш қабатты маскалар мүлдем жоқ, есесіне 7-8 сағатқа дейін қолдануға болатын респираторлық бетперденің бағасы 650-700 теңгеге жеткен. Фармацевт-сатушылар дәріханаларға медициналық масканың жеткізілмегеніне бірнеше айдан асып кеткенін айтты.