Шұғыл26 қазаннан бастап Қазақстанға ұшып келген жолаушылардың бәрінде ПТР анықтамасы болуы керек

Алматы әкімдігі әуежайдағы қауіпсіздік шараларын күшейтпек

Алматы әуежайында Стамбул — Ухань — Стамбул бағыты бойынша ұшып бара жатқан чартерлік рейс аялдады

Бүгін Алматы қаласының әуежайында коронавирустық инфекцияға жол бермеу бойынша қауіпсіздік шараларын күшейту мақсатында Стамбул — Ухань — Стамбул бағыты бойынша ұшып бара жатқан TCCJ чартерлік рейсі аялдады, деп хабарлайды Azattyq Rýhy Алматы қаласы әкімдігінің баспасөз қызметіне сілтеме жасап.

Қолда бар ақпарат бойынша бұрын осы бортта коронавирусты жұқтырған жолаушы болған.

Алматы әкімдігі әуе кемесіне қосымша бензин құюды жүзеге асыру кезінде барлық санитарлық-карантиндік бақылаудың күшейтілген нормаларын сақтап, қажетті шараларды қабылдады. Еліміздегі ірі мегаполистің аумағында коронавирустың таралуына жол бермеу мақсатында отын беру операциясы жолаушылар мен экипаж мүшелерін эвакуациялаусыз жүзеге асырылды.

Сонымен қатар, Алматыға Қытайдың 5 қаласынан келетін рейстері ескеріліп, Алматы қаласы бойынша тауарлар мен қызметтердің қауіпсіздігін бақылау комитеті департаментінің және әуежайдың медициналық қызметінің жауапты тұлғалары эпидемияға қарсы санитарлық-профилактикалық шаралар кешенін іске асыруда. Бүгінде барлық рейстер ерекше бақылауда.

«Елдегі әуежайлар мен вокзалдарда, әсіресе ҚХР-дан келетін өткізу пункттерінде барлық адамдардың (жолаушылардың, тасымалдаушылардың, экипаж мүшелерінің, бортсеріктердің және басқалардың) міндетті байланыссыз термометриясы жүргізіледі. Барлық өту орындарында, соның ішінде, темір жол, автомобиль жолдарында, Қытаймен шекаралас барлық санитарлық-карантиндік пункттерде термометрия жүргізілуде», – делінген әкімдіктің баспасөз қызметінен.

Қолда бар мәліметтер бойынша, 13 мыңнан астам жолаушы тексерістен өтті. Қазірше инфекцияны жұқтыру жайы тіркелген жоқ.