Жаңажылдық дастархан: қазақстандықтар желтоқсан айында 1,4 трлн теңгеге сауда жасаған

Былтыр желтоқсанда Қазақстан халқы базарлар мен дүкендерде 1,39 триллион теңгеге сауда жасаған деп хабарлайды Ranking.kz. Ал, осы жылдың қараша айында бұл көрсеткіш 956,6 млрд теңгені құраса, 2018 жылдың желтоқсанында 1,22 трлн теңгеге жеткен.

Желтоқсан айында сауда орындарында ең көп ақшаны алматылықтар жаратқан – 451,5 млрд теңге (2018 жылы – 375,2 млрд теңге). Ал, Нұр-Сұлтан тұрғындарының шығыны – 166,2 млрд теңгені құрады (2018 жылы – 143,2 млрд теңге).

Желтоқсанда қаржыны көп жұмсаған өңірлердің қатарында ШҚО, Қарағанды, Ақтөбе және Алматы облыстары да бар. Ал, ең үнемшіл тұрғындар Түркістан облысында тұрады.