Қостанайда бюджеттік үйлердің бағасы қымбаттады

Azattyq Rýhy

Соған қарамастан өңірде құрылыс қарқыны жоғары

Фото ашық дереккөзден

Былтыр Қостанайда жаңадан салынған бюджеттік үйлердің шаршы метрі 160 мың тенге болса, биыл 200 мың теңгеге көтерілді. Ал коммерциялық баспаналардың шаршы метрі 300 мың теңгеге жетті, деп хабарлайды 24.kz арнасы.

Бағаның шарықтауына құрылыс материалдарының қымбаттауы себеп дейді мамандар. Бірақ соған қарамастан өңірде құрылыс қарқыны жоғары.

Биыл облыста 450 мың шаршы метр тұрғын үй тапсыру көзделіп отыр. Бұл өткен жылға қарағанда 25 процентке көп. Аймақта жыл аяғына дейін шамамен 4 мың отбасы баспаналы болады.

«Келер жылы құрылыс көрсеткішін 10 процентке өсіру мақсаты тұр. Баға жайына келсек, биылғы жоба бойынша салынған үйлердің құны өзгеріссіз қалады. Алдағы жылға жоспарланған баспаналардың шаршы метрі қаншаға шығатындығы жобаларды сараптау қорытындысында белгілі болмақ. Бірақ байқауымызша, баға тағы қымбаттауы мүмкін», - дейді облыстық Құрылыс, сәулет және қала қүрылысы басқармасы басшысының орынбасары Лидия Беленко.

×
Бұл желілік ресурстың ақпараттық өнімдері 18 жастан асқан адамдарға арналған.