Қызылордада 335 млн теңге жымқырып, қымбат көлік пен жиһаз сатып алған шенділер сотталды

Қызылорда облысы Шиелі ауданында балалар лагерінің ыстық тамағына бөлінген ақшаны оңды-солды шашқан шенеуніктер сот үкімімен 7 жылдан 10 жылға дейін бас бостандықтарынан айырылды. Бұл туралы 31 арна хабарлады.

Алты экс-шенеуніктің қылмысы аудандық білім бөлімін құзырлы органдардың тексеруі кезінде әшкере болған.

Құжатта жауаптылар жымқырылған 335 миллион теңге өткен жылы балалардың демалыс лагерінде тынығуларына және ыстық тамаққа жұмсалды деп есеп берген. Бірақ, 2020 жылы пандемияға байланысты демалыс лагерлерінің жұмыс істемегені белгілі болған.