Меркі ауданында 12 жастағы мектеп оқушысының зорлағанғаны жайлы ақпарат тарады

Дереккөзде күдіктінің әлі ұсталмағаны жайлы айтылған

көрнекі фото

Жамбыл облысына қарасты Меркі ауданында 35 жастағы ер адам 12 жастағы қызды зорлаған. Taraznews.kz таратқан ақпаратқа сенсек, күдікті мектеп оқушысымен әлеуметтік желісінде танысқан. Дереккөзде бұл жағдайға қатысты қылмыстық іс қозғалғаны, күдіктіге іздеу жарияланғаны айтылған.

Жамбыл облыстық полиция департаментінің баспасөз қызметі облыстық балалар ауруханасына Меркі ауылының кәмелетке толмаған тұрғыны жүгінгені туралы хабарлама түскендігін растады.

«Сотқа дейінгі тергеу аясында бірқатар тергеу әрекеттері мен қажетті сараптамалар жүргізілді. Аталған дерекке қатысты Меркі аудандық полиция бөлімі ҚР Қылмыстық кодексінің 120-бабы бойынша сотқа дейінгі тергеу амалдарын бастады. ҚР Қылмыстық іс жүргізу кодексінің 201-бабына сәйкес тергеу мүддесінде істің мән-жайы жария етілмейді», - делінген облыстық ПД жауабында.

×
Бұл желілік ресурстың ақпараттық өнімдері 18 жастан асқан адамдарға арналған.