Биыл 12,5 мың қазаққа қандас мәртебесі берілді

1991 жылдан бері республикаға 1 миллион 82,8 мың этникалық қазақ оралды

egemen

1 қыркүйектегі жағдай бойынша Қазақстанға өзге елдерден 12 501 этникалық қазақ оралған және қандас мәртебесін алған. Бұл туралы ҚР Еңбек және халықты әлеуметтік қорғау министрлігінің баспасөз қызметі мәлімдеді.

Елге оралған қандастардың басым бөлігі Өзбекстаннан келген.

  • Өзбекстаннан – 76%
  • Қытайдан – 9,8%
  • Түрікменстаннан – 6,8%
  • Моңғолиядан – 2,5%
  • Өзге елдерден – 4,9%

Келген этникалық қазақтар негізінен Алматы (28,4%), Маңғыстау (19,5%), Түркістан (13,8%) және Жамбыл (8,2%) облыстарына, сондай-ақ Шымкент (10,4%) қаласына қоныстанды.

Ағымдағы жылғы 1 қыркүйектегі жағдай бойынша еңбекке қабілетті жастағы этникалық қоныс аударушылар саны 55,2%-ды, еңбекке қабілетті жастан кіші 27,1%-ды және зейнеткерлер 17,6%-ды құрайды.

Еңбекке қабілетті жастағы қандастардың ішінен білім деңейі бойынша 11%-ы жоғары білімді, 39,4%-ы орта кәсіби білімді, 45,7%-ы жалпы орта білімді және 3,9%-ның білімі жоқ.

Айта кету керек, 1991 жылдан бері республикаға 1 миллион 82,8 мың этникалық қазақ оралды.

×
Бұл желілік ресурстың ақпараттық өнімдері 18 жастан асқан адамдарға арналған.