Коронавирустан жазылып шыққандарға вакцина салуға болатын мерзім айтылды

КВИ-ден жазылған науқастардың үш ай өткенде вирусты қайта жұқтыру қаупі жоғары екен

көрнекі фото

Қоғамдық денсаулық сақтау ұлттық орталығының басқарма төрағасының орынбасары Айнагүл Қуатбаева коронавирустан жазылып шыққан азаматтарға вакцина салуға болатын мерзімнің өзгертілгенін хабарлады.

Айнагүл Қуатбаеваның айтуынша, КВИ-ден жазылған науқастардың үш ай өткенде вирусты қайта жұқтыру қаупі жоғары болуына байланысты - Бас мемлекеттік санитар дәрігердің соңғы қаулысы бойынша коронавируспен ауырған науқастарға 3 айдан кейін вакцина алу жұмыстары қолға алынған.

30 маусымдағы мәлімет бойынша, Қазақстанда 3 335 172 адам вакцинаның І компонентін, 2 000 596 адам II компонентін алды.

×
Бұл желілік ресурстың ақпараттық өнімдері 18 жастан асқан адамдарға арналған.