Қазақстанда вакцинаның ІІ компонентін салдырған 100-ден астам адам коронавирус жұқтырды

Санитарлық-эпидемиологиялық бақылау комитетінің төрайымы Айжан Есмағамбетова ОКҚ-да өткен брифингте Қазақстанда коронавирус вакцинасының бірінші компонентін салдырғаннан кейін 541 адамның, екінші компоненттен кейін 104 адамның КВИ жұқтырғанын мәлімдеді.

Комитет басшысы олардың инкубация кезеңінде (14 күн ішінде) жұқтырып алғанын айтып, ақпаратты дұрыс түсінуге шақырды. Яғни, олар жұқтырғаннан кейін вакцина салдырған.

Еске сала кетейік, 9 мамырдағы мәлімет бойынша, Қазақстанда 1 898 604 адам вакцина салдырды.