Алексей Цой медбикелердің кәсіби рөлі артқанын айтты

Денсаулық сақтау министрі Алексей Цой халықаралық медбикелер күнінде Facebook желісінде арнайы жазба қалдырды.

«Бірде-бір аурухана мен бірде-бір дәрігер медбикесіз жұмыс істей алмайды. Бұл өте маңызды адамдар, олар үлкен жұмыс атқарады және әр науқастың өмірі үшін одан да үлкен жауапкершілік атқарады», - деп жазды ол.

Алексей Цой бүгінде медбикелердің рөлі артқанын, бұрын олар орта медициналық персонал болып саналса, қазір олар дәрігерлердің тең серіктесі болып, тәуелсіз шешім қабылдауға мүмкіндік алғанын айтты.

Қазақстанда 185 мыңнан астам орта буын мамандары жұмыс істейді, олардың 2 мыңында жоғары мейіргерлік білімі бар. Ауылдық жерлерде 55 мыңға жуық адам жұмыс істейді.

«Медбикелер мектебі бір орында тұрмайды, кадрлық резервті толықтыра отырып, барлық уақытта жетілдірілуде. Тек осы жылы ғана Мейірбике ісі бойынша 3 мың қолданбалы бакалаврлар шығарылады деп күтілуде», - деп жазды министр.

Бұл мерекеде үздік мамандарды марапаттау дәстүрге айналған. Пандемияға қарамастан, биыл да марапаттау рәсімі тыс қалмады. ҚР Денсаулық сақтау министрлігінің атынан еңбектегі және денсаулық сақтау саласындағы жетістіктері үшін бүгін 174 маман марапатталды. Оның ішінде 24-і «Еңбек ардагері» медалімен, 43-і «Денсаулық сақтау ісінің үздігі» төсбелгісімен, 15-і «Денсаулық сақтау ісіне қосқан үлесі үшін» төсбелгісімен, 52 маманға құрмет грамоталары, тағы 40-ы министрдің қолы қойылған алғыс хаттармен марапатталды.

«Әрбір медицина қызметкері үшін ең үздік марапат – емделушілердің алғысы деп санаймын. Сондықтан әрбір қазақстандықтың атынан осы күні мейіргер әріптестеріңізге олардың ықыластығы мен қайсарлығы үшін алғыс айтуға рұқсат етіңіздер. Сізге зор денсаулық, амандық және өркендеу тілеймін!», - деді Алексей Цой.