ШұғылCOVID-19: Қазақстанда вирус жұқтырғандар саны 406 мыңнан асты

Биыл Алматыда 9 жаңа саябақтың құрылысы басталады – Сағынтаев

«Шетсіз қала» бағдарламасы мегаполистің шалғай аудандарындағы өзекті мәселелерді шешуге бағытталған

 

Алматылықтар үшін өзекті мәселелелердің бірі – демалатын және спортпен шұғылданатын жасыл алаңдардың азайғаны. Бұл проблеманың қалай шешіліп жатқанын мегаполис басшысы Б. Сағынтаев «Алматыны дамыту — 2021: көріктендіру және көгалдандыру жобалары» онлайн-таныстырылымы барысында айтты, деп хабарлайды Azattyq Rýhy.

Саябақтар, скверлер және жөнделген жаяу жүргіншілер көшелерінде жасыл аймақтарды жаңғырту және құру жоспары қабылданды.

«Карантинге қарамастан, өткен жылы 22 саябақ пен скверлерде жөндеу жұмыстарын жүргіздік, соның ішінде бәріміз жақсы көретін 28 гвардияшы-панфиловшылар паркі, 10 жаяу жүргіншілер көшелері жөнделді, 14 жаңа жасыл аймақ құрылды. Мұның барлығы 284 га абаттандырылған қалалық аймақ», - деді қала әкімі.

Алматы әкімі Б. Сағынтаев атап өткендей, мемлекет басшысының тапсырмасын орындау бойынша «Шетсіз қала» бағдарламасы қабылданды, негізінен Алматы қаласының шалғай аудандарындағы өзекті мәселелерді шешуге бағытталған.

«Алатауда (234 га), Жетісуда (258 га), Әуезов аудандарында (249 га) әрдайым демалыс орындары тапшы болды. Сондықтан былтыр нөлден бастап қараусыз қалған аумақтарда жаңа демалыс аймақтары салынды. Мысалы, Алатау ауданының Қарасу ықшамауданындағы батпақ орнында серуендейтін саябақ, амфитеатр пайда болды, олардың барлығы заманауи сыртқы жиһазбен жабдықталған. Жөндеу жұмыстары «Дружба» саябағында және Шухов атындағы скверде жүргізілді. Бұрын бұл мектеп пен аурухана арасындағы иесіз аймақ болған, қазір балалар мен ересектер мұнда серуендейді, спортпен шұғылданады. Түрксіб ауданында әуежай маңында жаңа «Желтоқсан» саябағы салынды. 55 га жерде балалар мен спорт алаңдары ұйымдастырылып, көлдің бойына серуендеу пирсы салынды (1,5 км)», - деді Б. Сағынтаев.

Сондай-ақ қала аумағында Сосновый Бор құрылып, онда 3500 қарағай отырғызылды. Қала басшысы бұл даму әлеуетінің 10%-ы ғана, оны 63 гектарға дейін ұлғайту жоспарда бар деп атап өтті. Қайың тоғайы жолдың қарсы жағында орналасқан. 6 гектарға 4 мың қайың отырғызылды. Алатау ауданында, жасыл желектердің жетіспеушілігі басты проблема болып табылатын жерде, 42 га аймақта жаңа қалалық саябақты құру бойынша үлкен жоба басталды.