ШұғылҚазақстанда өткен тәулікте 2443 адамнан коронавирус инфекциясы анықталды

Алматыда 150-ден астам адам жиналған түнгі клуб жабылды

Оларға айыппұл салынды

көрнекі фото

21 наурызда сағат 22:30-да Алматы қаласы Медеу ауданының бақылау тобы Құрманғазы көшесі, 25 мекенжайында орналасқан Boom Bar түнгі клубының келушілерін шығарды (бұрынғы The Artist деген атымен белгілі). Бұл мекеме қаланың бас мемлекеттік санитар дәрігерінің қаулысын бұза отырып жұмыс істеген.

Мониторинг тобы келген кезде мекемеде 150-170-ге жуық адам болған. Жұмыс режимін бұзудан басқа, адамдардың жаппай жиналуына тыйым салу, маска режимі, әлеуметтік арақашықтық сияқты эпидемиологиялық талаптардың сақталмауы тіркелді.

Еске салсақ, қалада шектеу шаралары күшейтілген. Бұқаралық іс-шараларға, сондай-ақ бірқатар кәсіпкерлік субъектілерінің, әсіресе ойын-сауық мекемелерінің жұмысына тыйым салынады. Карантиндік стандарттардың сақталуын қамтамасыз ету мақсатында қалада 32 мониторинг тобы жұмыс істейді, олардың құрамына аудан әкімдігінің, жергілікті полиция қызметінің қызметкерлері, сондай-ақ «Атамекен» кәсіпкерлер палатасының өкілдері кіреді.

18-21 наурыз аралығында түнгі тексеру кезінде 1800 нысан зерттелді. 205 нысанда бұзушылықтар анықталды. Заңды тұлғаларға қатысты тиісті шаралар қабылданды. Сондай-ақ, карантиндік шараларды бұзғаны үшін 321 тұлғаға айыппұл салынды.