ШұғылКоронавирус және пневмония: өткен тәулікте 102 адам көз жұмды

Египет және Германиядан ұшып келген жолаушылардан коронавирус анықталды

7 наурызда мыңға жуық ҚР азаматы ПТР-анықтамасыз келген

көрнекі фото

8 наурызда Қазақстан аумағына БАӘ, Түркия, Ресей, Беларусь, Өзбекстан және Қырғызстан елдерінен 20 халықаралық әуе рейсімен 2 565 жолаушы келді. Елге келген жолаушылардың 2 464-інде теріс нәтижесі көрсетілген ПТР-анықтама болса, қалған 101 ҚР азаматы тиісті анықтамасыз келген.

  • Алматы әуежайына – 12 рейс (1 544 жолаушы, анықтамамен - 1 468, анықтамасыз – 76);
  • Нұр-Сұлтан әуежайына – 4 рейс (456 жолаушы, анықтамамен - 439; анықтамасыз – 17);
  • Ақтау әуежайына – 3 рейс (441 жолаушы, анықтамамен - 433; анықтамасыз – 8);
  • Шымкент әуежайына – 1 рейс (барлық 124 жолаушы анықтамамен келген).

Анықтамасыз келген Қазақстан азаматтары келген жері бойынша ПТР-талдау әдісімен тестілеуден өтіп, карантиндік стационарларда нәтижесін күтуде.

Сондай-ақ 7 наурызда шетелден анықтамасыз келген 984 ҚР азаматының үшеуінен коронавирус инфекциясы анықталды. Олардың екеуі Шарм-эль-Шейх қаласынан (Египет) Нұр-Сұлтан әуежайына, бірі Нұр-Сұлтан әуежайына Франкфурт (Германия) қаласынан ұшып келген.