ШұғылМәжіліс депутаттарының сайлауы 2021 жылдың 10 қаңтарында өтеді

БҚО-да бюджет қаражатын жымқырған шенеунік сотталды

Ол сот үкімімен 3 жылға бас бостандығынан айырылды

Фото: kz-news.info

«БҚО Бөрлі ауданы әкімінің аппараты» мемлекеттік мекемесінің басшысы бюджет қаражатын ұрлады деп айыпталды, деп хабарлайды Azattyq Rýhy тілшісі Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

«Батыс Қазақстан облысының Сыбайлас жемқорлыққа қарсы қызметі бұған дейін «БҚО Бөрлі ауданы әкімінің аппараты» мемлекеттік мекемесінің басшысы Д. М. Ағеділовке қатысты Бөрлі ауданының Ақсай қаласында жалдамалы тұрғын үйге және мемлекеттік мекеме үшін тауарлық-материалдық құндылықтарды сатып алуға бөлінген жалпы көлемі 2 млн 779 мың теңгені құрайтын бюджеттік қаражатты жымқырды деген күдікпен тергеу амалдарын жүргізген», - делінген хабарламада.

Ағымдағы жылдың 3 желтоқсанында Бөрлі аудандық соты Д.М. Ағеділовті кінәлі деп танып, мемлекеттік қызметте лауазым атқаруға өмір бойына құқығынан және 3 жылға бас бостандығынан айырды.