Baiterek Hackathon: Алматыда үздік жоба әзірлеушілері бас қосты

Azattyq Rýhy
30.11.2019, 10:53

«Бәйтерек» Ұлттық басқарма холдингі»  АҚ мен  «QazTech Ventures» Акционерлік қоғамы қолдаған бұл хакатонға 200-ден астам жоба әзірлеуші қатысты

Қазақстанның Тұрғын үй құрылыс жинақ банкінің қызметін одан әрі қолайлы ету үшін еліміздің ең үздік жоба әзірлеушілері Алматыда BAITEREK HACKATHON-да бас қосты, деп хабарлайды Azattyq Rýhy «Хабар 24» арнасына сілтеме жасап.

Хакатон дегеніміз – әртүрлі саладағы  әзірлеуші мамандардың бір жоба аясында бірігуі. «Бәйтерек» Ұлттық басқарма хХолдингі»  АҚ мен  «QazTech Ventures» акционерлік қоғамы қолдаған бұл хакатонға 200-ден астам жоба әзірлеуші қатысты.

«Бәйтерек» хакатонына жаңа технологияны жақсы меңгерген, ІТ  саласын жетік білетін жастар іріктеліп алынған. Жас әзірлеушілер 2-ден 5-адамға дейін бөлініп, команда құрайды.  Олар «Бәйтерек» Ұлттық басқарма холдингіне қарасты «Тұрғын үй құрылыс жинақ банкінің» онлайн-қызметін жеңілдету бағдарламаларын ойластыруы қажет. Бұл үшін әр командаға 48 сағат беріледі. Ал оларға әлемдік деңгейдегі мықты стартапшылар кеңес беріп отырады.

«Мұндай хакатондар – жоба әзірлеушілер үшін үлкен мүмкіндік. Яғни, олар тек идея ойлап таппай, оны жүзеге асырып,  одан коммерциялық пайда табуына болады. Әсіресе, бүгінгідей нақты ірі компаниялармен жұмыс жасау жастар үшін тиімді», – дейді  Е27 стартап компаниясының директоры (Сингапур) Таддеус Ко.

Бағдарламашы, заңгер, қаржыгер сынды азаматтардан құралған топ  «Тұрғын үй құрылыс жинақ банкіне» қор жинау және банкте кезекте тұру мәселелерін шешу жолдарын азайту бойынша  қосымша ойлап табуы керек. Ең үздік стартаптар  2 млн теңге көлемінде қаржылай ұтысқа ие болады.

«Біз QazTechVentures қаржыландыру  компаниясын  тартып отырмыз. Ол да «Бәйтеректің» құрамына кіретін  институт. Ол стартаптарды қаржыландыратын институт. Сондықтан екі жақтан да келіп отырмыз. Егер осы шараны бір емес, бірнеше рет жасайтын болсақ,  ай-ти  қауымдастығы бір емес, бірнеше стартапты іске асыра алмақ», – деп атап өтті «Бәйтерек» ҰБХ басқарушы директоры Әділ Нұрғожин. 

Негізгі мақсат – «Бәйтерек» холдингіне қарасты компаниялардың онлайн-қызметін жақсарту дейді Әділ Нұрғожин. Сондай-ақ, үздік жоба әзірлеушілерін осы компанияларға жұмысқа тарту мәселесі де қарастырылған.
 

Біздің ең маңызды және қызықты жаңалықтарды біздің Telegram-каналдан оқыңыз
‡àãðóçêà...
Өзге де қызықты мақалалар
Қисайған үйдің тұрғындары көшіріледі – Алматы әкімдігі
Министр тараздық кәсіпкерге мемлекеттік награда тапсырды
Ақтауда 268 отбасыға пәтер кілті табысталды

Сұхбат
«Абайдың 45 сұрағы» жобасының кезекті қонағы - филолог, абайтанушы Омар Жәлел
Ирактан Қазақстанға қайтарылған 14 баланы ортаға бейімдеу жұмыстарымен айналысып жатқан психолог мамандармен сұхбат
Бүгін сайтымызда саясаттанушы Айдос Сарыммен болған сұхбат жарияланды
Уролог-андролог маман Максет Рысбаев дені сау сперматозоидтар шығара алмайтын жігіттердің көбеюінің бір себебі - туғаннан жаялығы шешілмейтін балалар санының артуымен деп есептейді