ШұғылАлматыда қағаз қоймасы отқа оранды

«Болашақ» стипендиясының иегерлері анықталды

«Шетелде мамандар даярлау бойынша республикалық комиссия отырысының шешімі бойынша 234 үміткерге «Болашақ» халықаралық стипендиясы тағайындалды

«Болашақ» стипендиясының иегерлері анықталды. 234 үміткердің аты-жөні бар толық тізім жария етілді, деп хабарлайды Azattyq Rýhy «Халықаралық бағдарламалар орталығы» баспасөз қызметіне сілтеме жасап.

«Шетелде мамандар даярлау бойынша республикалық комиссия отырысының шешімі бойынша 234 үміткерге «Болашақ» халықаралық стипендиясы тағайындалды. Стипендия иегері атанғандар шетелдік жоғары оқу орындарында магистратура, докторантура бағдарламалары бойынша білім алады. Сондай-ақ, әлемдік ғылыми және өндірістік орталықтарға тағылымдама бойынша да жіберілетін болады», делінген хабарламада.

Толық тізімді мына сілтемеден көруге болады.

Айта кетерлігі, Ақордада Қырымбек Көшербаевтың төрағалығымен Шетелде кадрлар даярлау жөніндегі республикалық комиссияның кезекті отырысы өткен еді. Комиссия отырысында білім және ғылым министрі А.Аймағамбетовтің Шетелде кадрлар даярлау жөніндегі республикалық комиссияның хаттамалық тапсырмаларының орындалуы туралы есебі тыңдалды, сондай-ақ, «Болашақ» бағдарламасының іске асырылуына қатысты бірқатар мәселе талқыланды.

Айта кетерлігі, 2020 жылдан бастап «Болашақ» стипендиясына арналған квотаның барлық түрі алынып тасталады.

Сұхбат