Экология министрі Нұр-Сұлтан қаласының қашан түтіннен арылатынын айтты

Экология, геология және табиғи ресурстар министрі Мағзұм Мырзағалиев Нұр-Сұлтан қаласының қашан түтіннен арылатынын айтты.  

«Елордаға «Сарыарқа» газ құбыры жүргізілді. Бүгінде қалада үйлерді газға қосу басталды. Бүгінде 300 үй қосылған. Қазірдің өзінде 1000-ға жуық техникалық шарт берілді, мерекеден кейін газ қостырушылардың қатары көбейеді. Тұрғындардың көбі көмір сатып алған, сондықтан әлі де газға көшуге дайын емес. Олар сатып алған көмірін пайдалануға мүмкіндік беруді сұрайды. Екінші жұмыс ЖЭО (жылу электр орталығы) газдандыру бойынша жүргізілуде. Төрт қазандық газға ауыстырылды. Биыл қалған қазандықтар ауыстырылады. Осылайша, келесі жылыту маусымына қарай қала ауасы тазарады дегенге үміттенгім келеді», - деді министр.

Министр бұл мәселені үнемі қадағалап отыратынына сендірді. Қалада 300 шақырымнан астам тарату құбыры төселді.