Алдағы жексенбіде Нұр-Сұлтан қаласында қоғамдық көліктер қатынамайды

9 қарашадан бастап автобустар қайта қатынайды

Фото: Батыржан Беспаев

Жексенбі күні, 8 қарашада дезинфекция жүргізілуіне байланысты қоғамдық көліктер бір күнге тоқтатылады. Бұл туралы CTS компаниясының баспасөз қызметі хабарлады.

«Қала тұрғындарын санитарлық нормаларды сақтауға шақырамыз. Автобустарға бетпердесіз кіруге тыйым салынады. Жол ақысы тек қолма-қол ақшасыз төленеді», - делінген хабарламада.

Компанияның хабарлауынша, басқа күндері қоғамдық көліктер қалыпты жұмыс істейді. Дүйсенбі, 9 қарашадан бастап автобустар әдеттегі кесте бойынша қайта қатынайды.

Посмотреть эту публикацию в Instagram

?Жексенбі күні, 8 қарашада дезинфекциялық жұмыстардың жүргізілуіне байланысты қоғамдық көлік бір күнге тоқтатылады. ⠀ Дүйсенбі күні, 9 қарашада автобустар қайтадан қатынайды. ⠀ Қала тұрғындарын санитарлық нормаларды сақтауға шақырамыз. Автобустарға бетпердесіз кіруге тыйым салынады. ⠀ Жол ақысы тек қолма-қол ақшасыз төленеді. ⠀ ?️Еске сала кетейік, елордадағы қоғамдық көлік жолаушыларына ыңғайлы болу үшін төлем жасаудың түрлі әдістері мен тарифтері қарастырылған: ▪️көлік әмияны - ақшаны көлік картасына аудару; ▪️көлік билеті - бұл 10 сапарға арналған қағаз көлік картасы; ▪️«SMS арқылы төлем жасау» - ұялы байланыс операторы арқылы жол ақысын қолма-қол ақшасыз электронды түрде төлеудің қосымша қызметі; ▪️«QR-код арқылы төлем жасау» - жолаушының банк картасымен байланысқан мобильдік қосымша арқылы немесе абоненттік нөмірдегі теңгерімнен аудару арқылы жүзеге асырылады; ▪️бірлескен брендтік карта - жол ақысын электронды түрде төлеу жүйесінде пайдалануға арналған көлік картасының интеграцияланған чипі бар жеке банктік карта. ⠀ ?️Сонымен қатар, «ауысып отырумен 15 сапар», «ауысып отырумен 30 сапар» тарифтері бар. Ауысып отырулар 60 минут қолжетімді және тек сапарлар санымен ғана байланысты. Тәуліктік тарифтер де қарастырылған. Ондағы сапарлар саны шектеусіз және сәйкесінше 1, 3, 5 және 15 күн ішінде қолжетімді. Тәуліктік жол жүру билеттерінің жарымдылығы сатып алынынған сәттен емес, бірінші валидациядан кейін есептеле бастайды.

Публикация от City Transportation Systems (@cts_kz) 5 Ноя 2020 в 7:30 PST