Қазақстанда жалақысын ала алмай жүрген 3 мыңнан астам жұмысшы бар

Елімізде 3 мыңнан астам жұмысшы 1 млрд 77 млн теңге жалақысын ала алмай жүр. Бұл туралы Үкімет басшысына депутаттық сауал жолдаған сенатор Андрей Лукин айтты.

Сенатордың айтуынша, 50 кәсіпорын еңбек етіп жүрген жұмысшыларына 530 млн теңгеден астам ақша (төленбеген жалақы) берешек. Тағы 90 қызметкер жұмыс істейтін 16 кәсіпорынның қарызы 115 млн теңгені құрайды. Тіпті, бұл компаниялардың болашақта төлеу мүмкіндігі жоқ.

1300-ден астам адамды жұмыспен қамтып отырған 34 кәсіпорынның жалақы қарызы жарты миллиард теңгеге жеткен. Алайда, компаниялардың мүлкіне тыйым салу нәтижесінде бұл кәсіпорындар жұмысшылардың еңбекақысын төлейді деген үміт бар.

Сенат депутаты жұмысшылардың жұмыспен қамтылуын бақылау, сондай-ақ жалақы бойынша берешектің өсуіне жол бермеу үшін еңбек келісімшарттарын есепке алудың бірыңғай жүйесін қолдану қажет екенін айтты.

Биыл 15 мың жұмысшының құқығы қорғалып, 1,2 млрд теңгеден астам қарызы өтелген.