«Асыл арна» жабылатын болды

Қазақстанда діни хабар тарататын «Асыл арна» телеарнасы жабылатын болды. Бұл туралы бүгін Алматыда өткен Ғұламалар кеңесінің XXVII кезектен тыс отырысында арна директоры Мұхамеджан Тазабеков мәлімдеді, деп хабарлайды Мүфтияттың баспасөз қызметі.

Ол ең бірінші, «Асыл арна» телеарнасының жабылатынын, арна алдағы уақытта діни бағытта хабар таратпайтынын баса айтты. Екінші айтқаны, Діни басқарманың төл телеарнасы – «Халық арнаға» қолдау білдіруі. Қоғамның сұранысына сай көрерменге діни-рухани мазмұнда ақпар беретін арнаның ашылуына Бас мүфтидің еңбегі орасан екеніне тоқталды.