Коронавируспен ауырған балалар арасында өлім тіркелген жоқ

Коронавирус жұқтырған 19 балада сырқат ауыр өткен

Коронавируспен ауырған балалар арасында өлім тіркелген жоқ
Көрнекі фото

Пандемия басталғалы Қазақстанда коронавирус диагнозы 3164 баладан расталды, оның 114-і – жаңа туған нәрестелер. Бұл туралы Денсаулық сақтау вице-министрі Ажар Ғиният ОКҚ-да өткен брифингте мәлімдеді.

«Коронавируспен ауырған балалар арасында өлім тіркелген жоқ. КВИ 2,7 мыңға жуық балада (85% немесе) симптомсыз және жеңіл өтсе, 448 балада (14,2%) орташа және 19 балада ауыр (0,6%) болды. Қазір инфекция жұқтырған 340 бала бақылауда, ол қатарда жаңа туған 3 нәресте де бар», - дейді вице-министр.

Жеті балаға вирустық пневмонияға тән белгілері бар COVID-19 асқынуы диагнозы қойылды, 3 пациенттен бактериялық сипаттағы пневмония анықталды.

×
Бұл желілік ресурстың ақпараттық өнімдері 18 жастан асқан адамдарға арналған.