ШұғылСоңғы бір аптада коронавирустан 54 қазақстандық қайтыс болды

20 қазаннан бастап Қостанай облысында карантиндік шектеулер күшейтіледі

Облыс аумағында күнделікті және демалыс күндері қандай шектеулер енгізілетіні хабарланды

Фото: kstnews.kz

Қостанай облысының әкімі Архимед Мұхамбетов коронавирус инфекциясының таралуына жол бермеу бойынша жедел штаб отырысын өткізді. Жедел штаб отырысында карантин шараларын күшейту туралы бірқатар шешім қабылдады.

Күнделікті шектеулер:

  • қоғамдық тамақтану объектілерінің жұмыс режимін 23 сағатқа дейін қысқарту, залда 30 орыннан аспайтын орын орнату;
  • ашық ауадағы аттракциондардың жұмысын тоқтата тұру.

Демалыс күндердегі шектеулер:

  • қоғамдық көлік қозғалысына тыйым салу;
  • ауданы 2000 шаршы метрден астам сауда объектілерінің, азық-түлік супермаркеттері мен олардағы дәріханаларды қоспағанда, сауда-ойын-сауық орталықтарының жұмысын тоқтата тұру;
  • азық-түлік емес және жабық азық-түлік базарларының жұмысын тоқтата тұру;
  • азық-түлік емес тауарлардың бөлшек сауда объектілерінің жұмыс режимін сағат 10:00-ден 20:00-ге дейін шектеу;
  • фитнес-орталықтар мен спорттық-сауықтыру орталықтарының жұмысын тоқтата тұру;
  • қоғамдық моншалардың, сауналардың жұмысын тоқтата тұру.

Бұл шектеулер 20 қазан сағат 00:00-ден бастап күшіне енеді.

«Бас санитарлық дәрігердің 6 қазандағы қаулысына сәйкес, Қазақстан аумағына келген адамдар термометрия тексеруден өтуі керек. Осыған байланысты, облыстың шекаралас аудандарының әкімдеріне санитарлық бекеттерді ұйымдастыру бойынша жұмыс жүргізуді тапсырдым», - дейді облыс басшысы.