26 тамызда Қазақстанда найзағай ойнап, бұршақ жаууы мүмкін

Қазақстан аумағының басым бөлігінде тұрақсыз ауа райы сақталады, атмосфералық фронтальды бөліктердің өтуіне байланысты жаңбыр жауып, найзағай ойнайды, оңтүстікте қатты, тек батыста ауа райы жауын-шашынсыз болады. Республиканың кей жерлерінде тұман түсіп, жел күшейеді, бұршақ жаууы мүмкін, деп хабарлайды Azattyq Rýhy тілшісі «Қазгидромет» РМК-ға сілтеме жасай отырып.

Солтүстік Қазақстан облысының кей жерлерінде тұман, дауыл күтіледі, түнде кей жерлерде жел күшейеді, күндіз басым бөлігінде 15-20, екпіні 25 м/с, кей жерлерде бұршақ жаууы мүмкін.

Түнде және таңертең Ақмола, Қостанай, түнде Павлодар облыстарының кей жерлерінде тұман, күндіз Ақмола, Павлодар облыстарының кей жерлерінде жел 15-20 м/с күшейеді.

Қарағанды, Шығыс Қазақстан облыстарының кей жерлерінде жел 15-20 м/с күшейеді, Қарағанды облысында бұршақ жаууы мүмкін.

Алматы, Жамбыл облыстарында 15-20 м/с жылдамдықпен жел соғады, Жамбыл облысының кей жерлерінде тұман түсіп, бұршақ жаууы мүмкін.

Түркістан облысының кей жерлерінде дауыл тұрып, жел 15-20 м / с күшейеді, бұршақ жаууы мүмкін.

Күндіз Қызылорда облысында жел 15-20 м/с күшейеді.

Қызылорда, Түркістан, Алматы, Атырау облыстарының кей жерлерінде, Жамбыл, Батыс Қазақстан облыстарының оңтүстігінде, Қарағанды облысының оңтүстік-батысында төтенше өрт қаупі күтіледі.