«Малды басқа жерде союға болмайды»: Астана әкімдігі Құрбан айт қарсаңында маңызды ескерту жасады

Астана қаласының әкімдігі 27 мамыр күні таңғы 07:00-ден бастап (Айт намазынан кейін – авт.) 29 мамыр, кешкі 18.00-ге дейін қала аумағында мал сойып, құрбан шалатын орындарды бекітті, деп хабарлайды

Әкімдік хабарлап отырғандай, үш күн Айтта мына орындарда ғана мал союға болады:

• «Шанхай» базары – Алаш тасжолы, 34/6;
• «Баракат» базары – А 369 көшесі, 10;
• «Жайлау» базары – Алаш тасжолы, Ц 313 көшесі;
• «Шәушен» шаруа қожалығы – Алаш тасжолы, 136Б.
• Алматы ауданы: «Ет-Хан» ет цехы – Теміржолшылар тұрғын алабы, Ақжар көшесі, 20.

«Астаналықтар үш күн бойы таңғы сағат 07:00-ден кешкі сағат 18.00-ге дейін тек осы бес жерге барып, құрбан шала алады. Бұдан басқа жерде мал союға болмайды», - деп хабарлайды Астана әкімдігі.

Сондай-ақ, әкімдік халықты тазалыққа шақырып, малдың бас-сирағын қоқыс контейнерлеріне емес, арнайы орындарға апарып, тапсыру керек екенін ескертіп отыр.