Атырау облысында 30 млн теңгенің дәрі-дәрмегі тегін таратылады

Облыс әкімі Махамбет Досмұхамбетовтің тапсырмасы бойынша Атырау облысында 30 млн теңгенің дәрі-дәрмегі 3 мың отбасына тегін таратылады, деп хабарлайды Azattyq Rýhy тілшісі Өңірлік коммуникациялар қызметіне сілтеме жасап.

«Өңірлік «Біз біргеміз» қорымен бірлесіп 30 млн теңгеге жуық қаражатқа ең қажетті препараттар алынып, арнайы пакетке салынып дайындалды. Дәрі-дәрмек бірінші топтағы мүгедек жандар мен мүмкіндігі шектеулі балаларды асыраушы ата-аналарға тегін үлестіріледі. Мұқтаж адамдардың тізімі толық жасалды. Мұндай қолдау алдағы уақытта да жалғасады»,- деді Атырау облысы әкімінің орынбасары Бақытгүл Хаменова. 

30 түрлі дәрі-дәрмек салынған арнайы пакеттер 19 шілдеде Атырау қаласы мен жеті ауданның 3 мың отбасына жеткізіледі.