ШұғылҚазақстанда бір тәулікте 872 адамнан коронавирус инфекциясы анықталды

Медицина ғалымы КВИ жұқтырған науқастарға дәрі-дәрмек ішу тәртібін түсіндірді

Коронавирус індеті 3 кезеңнен тұрады

Медицина ғылымдарының кандидаты, доцент Нұрила Малтабарова Орталық коммуникациялар қызметінде өткен брифингте коронавирус індеті 3 кезеңнен тұратынын, алғашқы кезеңінде еш дәрі-дәрмек ішуге болмайтынын айтты.

«Бірінші кезең - интоксикациялық кезең. Науқастың дене қызуы 38 градустан 40-қа дейін көтерілуі мүмкін. Әлсіздік пен терлеу басталады. Осы кезең бір аптаға созылады. Осы кезеңде ешқандай дәрі-дәрмекті ішпеген абзал. Дене қызуы 38 градустан артса ғана, оны төмендететін дәрі қолданылады. Басқа ешбір дәрі қолданылмайды», - деді ол.

Айтуынша, екінші кезең 3-4 аптаға созылады.

«Бұл респираторлық синдром деп аталады. Дене қызуы көтерілген соң, құрғақ жөтел пайда болып, ентікпе басталып, буындар сырқырай бастайды. Осы кезде талдау сынамасының нәтижесі бойынша дәрігер антибактериялық дәрі-дәрмекті жазып беруі мүмкін. Басқа ешбір дәрі қолданылмайды», - деп ескертті ол.

Ал, үшінші кезеңде, яғни оңалу кезінде организмді қалпына келтіру жаттығуларын жасауға болады.

Сұхбат
Танымал психоаналитик Анна Құдияровамен сұхбат
Қазақстан ғалымдары КВИ-ге қарсы вакцинаны 45 күнде әзірлеген
1 шілдеде Қазақстанда Тұрғын үй құрылыс жинақ банкінің «Жас отбасы» жаңа бағдарламасы іске қосылды
Филология ғылымдарының кандидаты Ербол Тілешовпен латын әліпбиіне қатысты сұхбат