Қазақстанда орташа зейнетақы 14 700 теңгеге көбейген

2026 жылдың екі айында 2 млн 538 мың адамға 395,2 млн теңге зейнетақы төленген. Бұның ішінде 131,3 млн теңге базалық зейнетақы төлеуге кеткен, деп хабарлайды Azattyq Rýhy.

Осылайша, Еңбек және халықты әлеуметтік қорғау министрлігі хабарлағандай, 2026 жылдың 1 ақпанындағы мәлімет бойынша, Қазақстандағы орташа зейнетақы 157 843 теңге болған. Былтыр орташа зейнетақы 143 143 теңге болғанын ескерсек, биыл зейнеткерлер орташа есеппен 14 700 теңге көп зейнетақы алады.

«2026 жылғы 1 ақпандағы жағдай бойынша жиынтық зейнетақының орташа мөлшері 157 843 теңге, оның ішінде ынтымақты зейнетақы мөлшері – 103 931 теңге, базалық зейнетақы – 53 912 теңге болды», - деп хабарлайды министрлік.