$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
04.07.2020, 12:28
Қоғам

5 шілдеден бастап Алматы-Сарыағаш бағытындағы пойыз уақытша тоқтайды

Тағы бірнеше пойыздың қозғалыс жиілігі азаяды

5 шілдеден бастап Алматы-Сарыағаш бағытындағы пойыз уақытша тоқтайды
Фото: ашық дереккөзден

5 шілдеден бастап елімізде Алматы-Сарыағаш бағытындағы пойыз уақытша тоқтайды. Әлеуметтік маңызы бар бірнеше пойыздың қозғалыс жиілігі қысқартылады. Бұл туралы «Жолаушылар тасымалы» АҚ бас директорының міндетін атқарушы Асылхан Қалдыкөзов айтты, деп хабарлайды Azattyq Rýhy тілшісі.

«5 шілдеден бастап Алматы-Сарыағаш бағытындағы пойыз уақытша тоқтайды. Әлеуметтік маңызы бар бірнеше пойыздың қозғалыс жиілігі қысқартылады. Олар Нұр-Сұлтан-Алматы, Алматы-Павлодар, Нұр-Сұлтан-Өскемен және Нұр-Сұлтан-Достық», - деді Қалдыкөзов.

Сонымен қатар ол ҚР Бас мемлекеттік санитар дәрігерінің қаулысына сәйкес, 3 шілдеден бастап 22 бағдар бойынша қаламаңы жолаушылар пойыздарының қозғалысы уақытша тоқтатылғанын атап өтті. 

«22 бағыт бойынша қала маңындағы пойыздар уақытша  тоқтайды. 8 бағыт бойынша жолаушылар тасымалының ортақ вагондары алынады. «Тальгоның» 6 пойызы бойынша орындар жабылады. Аталған бағыттар бойынша билет алып қойған жолаушылар, билетті қайтарып, ақша сомасын толық көлемде ала алады. Барлық билет кассасы штаттық режимде жұмыс істейді. Олар басқа пойыздарға билет сатып ала алады», - деді ол.

Серіктес жаңалықтары