Тоқаев Кэтрин Конноллиді Ирландия президенті болып сайлануымен құттықтады

Астана мен Дублин арасында шынайы достыққа арқа сүйеген ұзақмерзімді серіктестік орнаған, деп атап өтті президент

Фото: Ақорда

Мемлекет басшысы Қасым-Жомарт Тоқаев Кэтрин Конноллиді Ирландия президенті болып сайлануымен құттықтады, деп хабарлайды Azattyq Rýhy Ақордаға сілтеме жасап.

Тоқаев Кэтрин Конноллидің басшылығымен Ирландия дамудың даңғыл жолын жалғастыратынына сенім білдірді.

«Астана мен Дублин арасында шынайы достық пен өзара қолдауға арқа сүйеген ұзақмерзімді серіктестік орнаған. Өзара ынтымақтастықты одан әрі нығайтып, қос халықтың игілігіне қызмет ететін жаңа мүмкіндіктерге жол ашу үшін Өзіңізбен бірлесіп күш-жігер жұмсауға дайынмын», – деп жазылған жеделхатта.