Бірі - бөліп төлеу, бірі - қолма-қол ақша: енді Қазақстандағы дүкендер тауарды екі түрлі бағада сатады

Енді сатушылар тауарды қолма-қол ақшаға сатқанда бір баға, бөліп төлеу кезінде екінші бағаны көрсетуі керек. Жаңа ереже 11 қазаннан бастап күшіне енеді, деп хабарлайды Azattyq Rýhy.

«Сатушы (оның ішінде интернет-дүкен) сатып алу-сату шартын жасасар алдында тұтынушыға тауарды өз қаражаты есебінен бөліп төлеу арқылы өткізу және бір реттік төлем арқылы өткізу кезінде оның бағасын бөлек көрсете отырып, тауар (жұмыс, көрсетілетін қызмет), оның құны, төлем рәсімі, жеткізу шарттары мен құны, кепілдік мерзімі (ол болған кезде) туралы ақпарат береді», - делінген құжатта.

Бұған дейін Қаржы нарығын қорғау және дамыту агенттігінің төрағасы Мәдина Әбілқасымова осындай ұсыныс айтқан болатын.