Тоқаев Ақордада Кавказ мұсылмандары басқармасының төрағасын қабылдады

Бүгін Астанада Әлемдік және дәстүрлі діндер көшбасшыларының VIII съезі өтті

Фото: Ақорда

Мемлекет басшысы Қасым-Жомарт Тоқаев Кавказ мұсылмандары басқармасының төрағасы Шейх-уль-ислам Аллашүкір Пашазадені қабылдады, деп хабарлайды Azattyq Rýhy.

Әлемдік және дәстүрлі діндер көшбасшыларының VIII съезі алаңында Қасым-Жомарт Тоқаев Кавказ мұсылмандары басқармасының төрағасы Шейх-уль-ислам Аллашүкір Пашазадемен кездесті.

Ақорда жазғандай, Президент дінаралық диалогты ілгерілету, мемлекеттер арасындағы сенімді нығайту мәселелерінде Қазақстан мен Әзербайжанның ұстанымдары ортақ екеніне тоқталды.

Мемлекет басшысы дінаралық түсіністікке септігін тигізетін өзара ықпалдастық екі елдің ұзақмерзімді серіктестігін бекіте түсетініне сенім білдірді.

Мақалада

#Қасым-Жомарт Тоқаев #ақорда #Әлемдік және дәстүрлі діндер лидерлерінің съезі

Алдыңғы жаңалық

Тоқаев дін көшбасшыларына «Бейбітшілік қозғалысы» идеясын талқылауды ұсынды