Тоқаев Лиссабон орталығындағы апатқа байланысты Португалия президентіне көңіл айтты

Кеше қаланың орталығында фуникулер рельстен шығып кетіп, ондаған адам қаза тапқан

Фото: Ақорда

Қазақстан президенті Қасым-Жомарт Тоқаев Лиссабон орталығындағы апатқа байланысты Португалия президентіне көңіл айту жеделхатын жолдады, деп хабарлайды Azattyq Rýhy.

«Қасым-Жомарт Тоқаев Лиссабон орталығындағы апат салдарынан көптеген адамның қаза табуына және жарақат алуына байланысты Президент Марселу Нуну Дуарте Ребелу де Соуза мен барша португал халқына көңіл айтты», - деп хабарлады Ақорда.

Қазақстан Президенті бақилық болғандардың туыстарын сабырға шақырып, зардап шеккендердің тез арада сауығып кетуіне тілектестігін жеткізген.

Мақалада

#Қасым-Жомарт Тоқаев #ақорда #көңіл айту

Алдыңғы жаңалық

Моңғолияның Ұлы Мемлекеттік Хуралының төрағасы Қазақстанға ресми сапармен келді