Қазақстан Путин мен Трамптың кездесуін құптайды – Ақорда

Руслан Желдібай мемлекет басшысы Қасым-Жомарт Тоқаев бұл тарихи саммит екі ел басшыларының саяси ерік-жігерінің арқасында мүмкін болды деп санайтынын жеткізді, деп хабарлайды Azattyq Rýhy.

«Олар қазіргі заманның ең басты проблемаларына, соның ішінде Украинадағы әскери іс-қимылдарды тоқтатуға қатысты ортақ шешім табуға шынайы ниетті екенін көрсетті», – деп жазды Президенттің кеңесшісі-баспасөз хатшысы Руслан Желдібай.

Айта кетсек, 2025 жылдың 16 тамызына қараған түні Аляскада өткен кездесуден кейін Ресей және АҚШ президенттері Владимир Путин мен Дональд Трамп бірлескен баспасөз конференциясын өткізді. Ресей және АҚШ президенттері Владимир Путин мен Дональд Трамп Аляскадағы келіссөздерде аудармашыны пайдаланды. АҚШ президенті Дональд Трамп ресейлік әріптесі Владимир Путинмен кездесуден кейін Украина лидері Владимир Зеленскийге қақтығысты тоқтату үшін Мәскеумен келісім жасауды ұсынды.